La Familia son catro músicos vindos de bandas galegas de referencia como Trem Fantasma, Igloo, The Blows, Maryland ou Circular, que deciden poñerse ao servizo dunhas cancións de autor que parten dos alfoces do folk para chegar ao pop. As súas cancións o mesmo ofrecen ecos do pop de toda a vida (hai momentos que case piden ser cantados por Dusty Springfield), como tiran cara á americana (o Ryan Adams menos cowboy tamén semella xurdir por aquí), ou lembran eses grupos como The Morning Benders, que toman o pop máis clásico para lle dar unha visión contemporánea.
Pop normal para un mundo normal, ese onde os coros fan que as cancións crezan por dentro, coma se fose primavera na gorxa. Pop no que as letras saben o que din, no que as melodías se fixan sen pudor á cabeza, e ao que uns sutís arranxos (ben de trompeta, de acordeón ou teclados) achegan unha boa dose de elegancia.
Onde: Parque de Belvís
Cando: 16 de Xuño | Escenario Principal: 13:20
If you enjoyed this article, please consider sharing it!
